Министерството за здравство информира дека во последните 24 часа се пријавени 32 починати лица, a најмладиот кој го изгуби животот како последица на вирусот е 25-годишен пациент од Охрид.
Во изминатото деноноќие, најмногу смртни случаи се забележани во Скопје каде починале 11 лица, најмладиот на возраст од 42 години.
23-годишно момче од Крива Паланка беше најмладата жртва на Ковид-19 во вчерашната статистика на Министерството за здравство, а пред неколку дена беше регистриран првиот случај на починат малолетник.
15-годишно девојче почина во Инфективната клиника во Скопје, како последица на Ковид-19.
Минатата седмица, исто така како последица на Ковид-19 почина 24-годишно момче од Ресен, кое првично ја напуштило болницата на свое барање, за следниот ден да се врати со сериозни компликации по што го изгубило животот.