Утрово во 06.00 часот во Полициска станица Прилеп, било пријавено дека на пат за село Селце, прилепско, има превртено патничко моторно возило „пежо“ со охридски регистарски ознаки, претходно управувано од 21-годишната Е.С. од Прилеп, која загинала на местото на настанот.
Со тешки телесни повреди се здобила С.А. исто така на 21-годишна возраст од Прилеп, која со возило на итна медицинска помош била пренесена во Комплекс клиники „Мајка Тереза“ за укажување на лекарска помош.
Увид на местото на настанот извршиле јавен обвинител и екипа од Полициска станица Прилеп.