165 основни и само четири средни училишта добија согласност за настава со физичко присуство

Од:

Владината комисија која ги оценува барањата на училиштата за организирање настава со физичко присуство во услови на пандемија одлучи согласност да добијат 169 училишта, информираат од Владата.

Од овие образовни установи, шест се државни училишта за деца со посебни образовни потреби, едно е приватно средно училиште со одобрение за експериментална настава во основно образование, 15 централни општински основни училишта, а 147 се подрачни основни училишта. 32 централни општински основни училишта, 11 подрачни основни училишта и две приватни училишта не ги исполнуваат условите, одлучи Комисијата.

Според извештајот, за организирање настава со физичко присуство во средните училишта биле доставени вкупно 66 барања, од кои Комисијата предлага согласност да добијат четири училишта од кои: две државни училишта за деца со посебни образовни потреби, едно приватно средно училиште, како и едно општинско средно училиште.

Делумна согласност за реализација само на стручните предмети и практичната настава се предлага да добијат десет училишта (пет уметнички, четири општински училишта и едно државно училиште – Спортска академија), велат од Владата.

Би можело да ве интересира

Николовски: Се отстрануваат слабостите за да има ред и дисциплина во постапувањето на институциите

Ана Ололовска

Николовски: Синхронизирани се одлуките и на партијата и на Владата

Ана Ололовска

АДКОМ: Навремена е одлуката на Владата за одобрување на 144.260.500 денари за 89 јавни комунални претпријатија

Ана Ололовска

КСС бара цела плата за работниците кои се во излоација или на боледување поради КОВИД-19

Жарко Настоски

Владата го утврди текстот на Предлог-законот за Агенцијата за разузнавање

Владата ќе бира партнер за изградба на гасоводната мрежа меѓу две турски компании

Жарко Настоски