Во текот на вчерашниот ден, на подрачјето на Секторот за внатрешни работи Скопје се случиле 14 сообраќајни незгоди, од кои три со тешки телесни повреди, шест со телесни повреди и пет со материјална штета. При сообраќајните незгоди четири лица се здобиле со тешки телесни повреди, а девет со лесни телесни повреди.
Од преземените мерки и активности констатирано е дека 23 возачи управувале возила со брзина поголема од дозволената, 11 возачи се исклучени од сообраќајот и тоа: деветмина управувале возила без да се стекнат со право за управување на моторно возило, еден управувал возило под дејство на алкохол и еден бил – возач почетник.
Покрај ова, од сообраќај исклучени се и 18 возила: 11 – бидејќи биле нерегистрирани, додека седум возила биле технички неисправни. Исто така, двајца возачи се санкционирани бидејќи поминале крстосница на црвено светло, тројца – неправилно престигнувале, додека девет возачи непоседувале пропишана зимска опрема во возилата.
Во однос на пешаците, санкциониран е еден пешак кој поминал коловоз надвор од пешачки премин. Во текот на изминатиот ден издадени се 86 мандатни платни налози, додека 82 возила се подигнати со „пајакот“.