Здружението за заштита на животните „Анима мунди“ објави вознемирувачка фотографија на распнат коњ како со камион го превезуваат на скопските улици.
„Tолку отчовечени што ни ваков ужас на улица веќе не ни значи ништо – ова е лицето на Скопје и Македонија, кое треба целиот свет да го види и по кој треба да нè препознае! Ваков е третманот на животните кај нас! Итно бараме МВР и АХВ да реагираат и најстрого да го казнат лицето кое среде бел ден и во екот на сообраќајниот метеж во главниот град превезува обесен коњ! Ако ова помине неказнето, ние сме сите примитивци, без грам свест, осет, срам!“, апелираат од „Анима мунди“.