Со 400 амандмани , пратеникот на НДП, Изет Зеќири, сака да им помогне на граѓаните да се одделат пари во буџетот за 2013 за решевање на нивните секојдневни проблеми.
„Сакам да ги дораскринкам и обелоденам некои политики на ДУИ. Не се точни информациите со кои ДУИ излегува во јавнсота дека 25% од Буџетот за 2013 одат за проекти за местата каде живеат Албанци. Ако се анализира Предлог буџетот, кој е во собраниска процедура, ќе се види дека ДУИ прави само copy-paste од претходните години, истите проекти кои не се реализирани и сега се превидени во буџетот“, вели Зекири за А1.
Зекири ги посочи патот Тетово-Јагуновце, клучката кај Брвеница, Липково-Никуштак, Гоговиње-Гостивар како ветени и напишани проекти во буџетите, а нереализирани. Три години вели се одвојуваат пари, а не се прави ништо, а таков е примерот со библиотеката во Тетово.
ДУИ, вели само санитарни јазли направи во училиштата во општините, каде има нивен градоначалник.
400-тините амандмани тврди се реални, подготвувани се подолго време, бидејќи знаел дека ДУИ повторно ќе ја игра истата игра со Буџетот како и изминатите години.
Но, вели бидејќи се е договор, спремен е да се договори со министерот за финансии, доколку ги прифати посуштинските амандмани, другиот дел и да го повлече.
Разгледувањето на Предлог-буџетот почнува во понеделник на Комисијата за финансирање и буџет. Во собраниската дебата, според Деловникот нема ограничувања на дискусиите.