Отворање над 375 нови работни и обука и развојни бизнис сервиси за над 400 микро компании се дел од придобивките на Проектот на УСАИД за микро и мали претпријатија, изјави денеска амбасадорот на САД, Џес Бејли на церемонијата со која се означи завршувањето на проектните активности.
Проектот е кофинансиран од страна на Владата на Швајцарија и имплементиран од Центарот за развој на претприемачи и менаџери – ЦЕЕД Македонија.
– Со гордост го затвораме овој проект, знаејќи дека тој им помогна на стотина мали претпријатија низ сите краишта на земјата и знаејќи дека овие мали претпријатија ќе продолжат да придонесуваат кон развојот на економијата на земјата, рече американскиот амбасадор на церемонијата, со која се одбележа завршувањето на шест годишниот проект.