Борбата за превласт на светскиот пазар за мобилни телефони и таблет компјутери меѓу „Епл” и „Самсунг” се разгорува.
Додека се разгледува тужбата и противтужбата поради наводни кражби на патенти, „Самсунг” ги освојува позициите на „Епл” на пазарот вреден 300 милијарди долари. Ни „Епл” не губи време, за септември најавува промоција на новиот „ајфон”.
„Епл” тврди дека „Самсунг” го копирал дизајнот на нивните популарни „ајфони” и „ајподи” и пред судот бара отштета од две и пол милијарди долари.
„Самсунг“ пак враќа дека пред да се појави „ајфонот“ на „Епл“, тие веќе имале развиено своја генерација на „умни“ телефони.
Малку е веројатно дека која и да е страна ќе однесе победа.