Бројот на работници во индустријата во мај е зголемен за еден отсто во однос на истиот месец лани, објави Државниот завод за статистика.
Денеска објавените податоци покажуваат дека е зголемен бројот на работници за 1,2 отсто во преработувачката индустрија, а намален за 0,4 проценти во секторот Рударство и вадење на камен и за 0,5 проценти во секторот Снабдување со електрична енергија, гас, пареа и климатизација.
Според главните индустриски групи, пораст е забележан кај Енергија за 0,7 отсто, Интермедијарни производи, освен енергија за 3,6 отсто, Капитални производи за 11,9 отсто и Трајни производи за широка потрошувачка за 4,2 отсто, додека опаѓање има кај Нетрајни производи за широка потрошувачка за 3,2 отсто.
Во периодот од јануари до мај има зголемување на бројот на работници за 0,5 проценти во споредба со истиот период лани.