ВМРО-ДПМНЕ со писмено соопштение реагира на прес-конференцијата на Драган Тевдовски од СДСМ.
„СДС и Тевдовски се обидуваат со истите манипулации и лаги од изборите да ја покријат Тиранската Платформа, која не само што ја прифатија, туку и почнаа да реализираат.
Денес Тевдовски покажува лажно душегрижништво. Полна му е устата за работниците и нивниот стандард, а кога неговата партија имаше шанса нешто да направи во стопанството.
Каде беше Тевдовски и СДС кога во време на нивното владеење невработеноста достигна рекордни 39%?
Каде беше Тевдовски и СДС кога просечната плата не беше повисока од 12 илјади денари, а поголемиот дел од работниците земаа по 5-6 илјади денари плата, која им беше исплаќана со задоцнување?
Каде беше Тевдовски и СДС кога бегаа од гласање закон за минимална плата, иако ја ветуваа пред избори?
Каде беше Тевдовски и СДС кога се затворија 684 фабрики, а 200 илјади работници останаа на улица?
Каде беше Тевдовски и СДС кога нивната партија ги погреба текстилните и кожарските комбинати, а семејствата на вработените беа оставени без перспектива и егзистенција?
Каде беше Тевдовски и СДС да се погрижат за оваа армија стечајци која ја создадоа и нивниот стандард?
Дури и сега Тевдовски и СДС нудат парцијални решенија, што ќе ја вратат економската катастрофа која секогаш се појавува од погрешните политики на СДС. Фондот кој го ветува СДС е уште една голема лага, како што беше вработување по еден човек од секое семејство.
Граѓаните многу добро знаат кој и колку направил за работниците, во секој сектор, кој ја покачил платата и стандардот, кој има зад себе конкретни дела, а кој лажни ветувања.
Затоа ВМРО-ДПМНЕ ужива најголема поддршка од граѓаните и затоа ВМРО-ДПМНЕ има 11 изборни победи по ред“ се вели во соопштението на ВМРО-ДПМНЕ.