Владата треба да прогласи кризна состојба во енергетскиот сектор

Од:

Владата, според најавите, денеска на седница треба да прогласи кризна состојба во енергетскиот сектор за да се вбризгаат буџетски средства директно во енергетските компании.

Министерот за економија Крешник Бектеши најави дека ќе и се предложи на Владата да прогласи кризна состојба во енергетскиот сектор, како и дека има средства за да се интервенира, а во зависност од тоа колкави се потребите на енергетските компании, толку средства ќе бидат пренасочени директно од Буџетот.

– Моментално не се предвидени рестриктивни мерки, но ќе се прогласи кризна состојба во енергетскиот сектор со единствена цел да може да се вбризгаат буџетски средства директно во енергетските компании во земјата, вклучувајќи ги и ЕСМ и МЕПСО за да се зголеми нивната ликвидност, за да може да се интервенира во увозот на струја, изјави неодамна Бектеши.

Во Буџетот, како што кажа, моментно има 100 милиони евра на располагање кои не се искористени од фондот за справување со ковид пандемијата.

Владата на 30 октомври донесе Уредба за прогласување кризна состојба при недостиг на електрична енергија, а како што објаснија тогаш од Министерството за економија таа е донесена со цел нејзино усогласување со одредбите на Законот за енергетика.

– Претходната Уредба беше донесена во 2012 година и во неа не беа усогласени новите одредби за пазарите на електрична енергија. Континуирано ја следиме состојбата во електроенергетскиот сектор, во моментов има доволно количество на електрична енергија, до крајот на годината нема да има зголемување на цената на струјата за домаќинствата, потенцираа од Министерството за економија.

Во опфатот на оваа Уредба, како што информираа од ресорното Министерство, се определени и правата и обврските на учесниците на пазарот во услови на кризна состојба и се вклучени сите учесници на пазарот, а не како претходно само државните енергетски компании.

Прогласување кризна состојба во енергетскиот сектор неодамна побара и бизнис заедницата.

Би можело да ве интересира

Скопјани ќе имаат парно, државата ќе управува со БЕГ за до крајот на грејната сезона да нема проблеми

Без струја дел од жителите на Сопиште

Ана Ололовска

Владата обезбеди дополнителни количини електрична и топлинска енергија од АД ТЕ-ТО Скопје

А1он

Владата обезбеди дополнителни 670 милиони денари за надминување на енергетската криза

А1он

Владата донесе одлуки за реализација на мерките за справување со енергетската криза

Ана Ололовска

Економијата закрепнува, предизвик останува енергетската криза

Ана Ололовска