Владата денеска ќе се задолжи со околу 85 милиони евра од домашните кредитори. Парите ќе ги обезбеди преку три аукции на државни записи, со рок на достасување од шест месеци, односно една година и четири аукции на државни обрзници со рок на достасување од две до десет години.
Утре, според Министерството за финасии, државата во стопанството ќе треба да врати идентична сума од околу 85 милиони евра.
Според последните податоци на Министерството на финансии, заклучно со април јавниот долг на централната Влада е на ниво од 35,3 насто од бруто домашниот производ и изнесува 2 милијарди 817 милиони евра.