СДСМ коментира дека новонастанатата состојба не е само трговска војна со Косово, туку дека има и политика. Факт е, велат, дека секогаш кога ќе се измешаат политиката и бизнисот, особено на овој начин, страда бизнисот, за жал неправедно на штета на граѓаните.
„Тоа никој не може да го соопшти засега, но нема да биде тоа незначителна штета, напротив, со оглед на тоа што Косово е се позначаен партнер, во надворешно трговските односи, имаме суфицит токму со Косово.Суштината е во тоа да не се дозволи да дојде до ова. Суштината е државата со своите чекори да не дозволи да се случи. Сега не останува друго освен да се фокусира на отстранување на пречките кои довеле до оваа состојба. Нашата влада воведе такси за граѓани, што е надвор од трговија“, изјави Ванчо Узунов, потпретседател на СДСМ.