Одлика на ДПМНЕ се бојкоти, блокади и црни сценарија. Го бојкотираа Киро Глигоров во 1993, кога требаше да влеземе во Обединетите Нации. Го бојкотираа и референдумот за членство во НАТО, го бојкотираа пописот и членството во ЕУ, се вели во соопштението на СДСМ.
– Ги бојкотираа најважните моменти од нашата независност и затоа ВМРО-ДПМНЕ нема апсолутно никакво право да зборува за нечиј бојкот. На 27-ми април, 2017-тата година ВМРО-ДПМНЕ дозволи најобични насилници и силеџии да влезат во парламентот, да тепаат пратеници, да кренат рака на новинари, собраниски служби и да го погазат уставниот поредок на државата. Со бојкот, црни сценарија и насилство држава не се гради. На 8-ми мај, граѓаните треба масовно да излезат на гласање и да не дозволат повторно да се врати режимот во најава – велат од партијата.