Лозарите од „Агротиквешија” од Кавадарци утре ќе одржат предупредувачки протест пред винарската визба „Тиквеш“ Нездоволни се од ниската откупна цена на грозјето.
Тоа го потвдри и претседателот на „Агротиквешија“ Љупчо Аризанов.
И уште предупредуваат, ако цените не се зголемат, производителите ќе продолжат со организирање протести.
Од винарската визба “Тиквеш” пак, соопштуваат дека капацитетитетот е целосно подготвен за прием на родот од производителите со кои има склучено договори за соработка.Најавуваат и бонуси за лојалните лозари.
Годинава,според винарницата, планирано е да се откупат 70 отсто поголеми количества грозје во споредба со минатата година, што ќе биде значајно и за компанијата и за лозарите.