Египет има намера да поднесе барање за приклучување кон БРИКС на претстојниот самит на организацијата, што ќе се одржи во Јужна Африка од 22 до 24 август.
Се верува дека Русија ќе го поддржи тоа барање, изјави претседателот на Египетскиот совет за меѓународни работи и поранешен министер за надворешни работи на Египет, Мохамед ал Ораби.
„Во вторник Египет ќе учествува на самитот на БРИКС во Јужна Африка и ќе поднесе барање за приклучување кон таа организација. Сметаме на поддршката на Русија за ова прашање“, рече Ал Ораби, пренесува Тасс.
Минатата година египетскиот претседател Абдел Фатах ел-Сиси и претстави предлог на својата влада за приклучување кон новата развојна банка-БРИКС, а египетската влада на состанокот во декември ја поддржа оваа иницијатива и ја одобри нацрт-резолуцијата на шефот на државата. Веќе на крајот на јануари 2023 година, египетскиот парламент одобри договор со кој му се дозволува на Египет да се приклучи на финансиската институција.
На 14 јуни, рускиот амбасадор во Каиро, Георгиј Борисенко, потврди дека Египет поднел барање за приклучување кон организацијата.
Самитот на БРИКС, со кој претседава Јужна Африка, ќе се одржи во Јоханесбург, а според јужноафриканскиот министер за меѓународни односи и соработка Наледи Пандора, лидерите на БРИКС ќе разговараат за проширување на организацијата.