Унгарија го забрани увозот на мед, вино, леб и шеќер од Украина

Од:

Унгарската влада ја продолжи привремената забрана за увоз на украински производи на мед, вино, леб, шеќер и голем број производи од месо и зеленчук, јавува Радио Слободна Европа. Списокот на производи што треба да се забранат е објавен со владин декрет, откако Будимпешта објави мерка за стопирање на увозот на житарки, маслодајни семиња и уште неколку производи.

Во изминатите денови, Полска, Унгарија и Словачка го забранија увозот на жито и други прехранбени производи од Украина разурната од војна, откако падот на цените предизвика протести на локалните фармери. Портпаролот на Европската комисија рече дека ваквите еднострани мерки на членките на ЕУ се неприфатливи.

Откако руската инвазија блокираше некои пристаништа на Црното Море, големи количини украинско жито, кое е поевтино од она што се произведува во Европската унија, заврши во земјите од централна Европа поради логистички проблеми, што влијаеше на цените и продажбата на локалните фармери.

Би можело да ве интересира

Судир на два брода во Унгарија, две лица загинаа, пет исчезнати

Унгарија повторно ќе ја блокира помошта за Украина

(ВИДЕО) Страотна несреќа на рели во Унгарија: Најмалку четворица мртви

Катерина Ѓуровски

Испливаа детали за скандалот кој ја принуди унгарската преседателка на оставка

Катерина Ѓуровски

По претседателката Новак, оставка поднесе и унгарска пратеничка

А1он

Сијарто: Унгарија не сака руски имот, тоа е наследство на комунизмот