Делегацијата на германското стопанство во Република Македонија денеска организира конференција по повод официјалниот почеток на програмата „Dual Training”.
Станува збор за тригодишен проект за дуално стручно образование што ќе се спроведува со германска експертиза и поддршка.
На конференцијата ќе се обратат заменик-претседателот на Владата задолжен за економски прашања Кочо Анѓушев, германскиот амбасадор Томас Герберих и директорот на Делегацијата на германското стопанство во Република Македонија Патрик Мартенс, а програмата ќе ја презентира Мартина Колберг од Министерството за економија и енергетика на Сојузна Република Германија.