Трговското здружение од Солун предлага продавниците да затвораат порано за заштеда на енергија

Од:

Трговското здружение од Солун им предлага на продавниците во градот поради енергетската криза и за заштеда на енергијата, од следниот понеделник да затвораат порано, односно во 19 часот, јави дописничката на МИА од Атина.

Конкретно, предлогот е продавниците во вторник, четврток и петок да работат од 10 до 19 часот, а во понеделник, среда и сабота од 10 до 16 часот.

-Поради проблемите создадени од енергетската криза и непредвидените тешкотии на претстојната зима, поради намалувањето на прометот на пазарот и барањето на владата за намалување на потрошувачката на електрична енергија, Управниот одбор на Трговското здружение на Солун одлучи да предложи намалено работно време за продавниците во попладневните/ вечерните часови, пишува во соопштението.

Претседателот на здружението Панделис Филипидис за солунскиот портал „Гртајмс“ објаснува дека се усогласуваат со владините упатства за 15 отсто намалување на потрошувачката на електрична енергија и ја спроведуваат во пракса, но истакнува дека кон оваа препорака треба да се придржуваат и големите трговски центри.

-Ние даваме предлог согласно тоа што законски го бара владата, но или сите заедно се трудиме или никој. Ќе видиме како ќе се движи пазарот во првата недела, објасни Филипидис.

Извор: МИА

Би можело да ве интересира

Во јануари 69,7 отсто од потрошената струја од домашно производство

Шеесетминутен молк во Солун за жртвите од трагедијата во Кочани

Катерина Ѓуровски

„Солун во молк за Кочани“ – точно напладне собир на солунскиот плоштад Аристотел во спомен на загинатите

Тројцата пациенти се во критична, но стабилна состојба објави директорката на Одделот за изгореници на солунската болница

Таравари: Сите пациенти хоспитализирани во Солун се во стабилна состојба

Втор пат за еден ден, дел од Тетово е без струја