Трамп ублажува некои царини за автомобили

Од:

Администрацијата на претседателот Доналд Трамп ќе го намали влијанието на царините за автомобили со олеснување на давачките за увозните делови што влегуваат во автомобилите произведени во САД и задржувајќи ги тарифите за странските автомобили, изјавија официјални лица.

„Претседателот Трамп гради партнерства и со домашните автомобилски компании и со нашите вредни американски работници“, рече во изјавата министерот за трговија Хауард Лутник.

„Овој договор е голема победа за трговската политика на претседателот бидејќи ги наградува компаниите што произведуваат во Соединетите држави, а истовремено им дава простор на производителите кои ветија дека ќе инвестираат во Америка и ќе го прошират производството.

Автомобилските компании претходно во понеделникот објавија дека очекуваат Трамп да им помогне пред неговото патување во Мичиген, од каде што се три големи производители и повеќе од илјада подизведувачи.

Нивните здруженија го повикаа минатата недела да не воведува царини од 25 отсто за увозните автоделови, бидејќи тоа може да ја намали продажбата и да ги зголеми цените. Трамп претходно рече дека ќе ги воведе овие тарифи до 3 мај.

Писмото, испратено од групи кои ги претставуваат Џенерал Моторс, Тојота Мотор, Фолксваген, Хјундаи и други, беше испратено до Лутник и до секретарот за финансии Скот Бесент.

„Повеќето добавувачи немаат доволно капитал за да се справат со нарушувањата на царината. Многумина веќе се во неволја и се соочуваат со прекини во производството“, се вели во писмото, додавајќи дека „колапсот на еден може да запре цела автомобилска производна линија“.

Би можело да ве интересира

Трамп: Го спасив ајатолахот Али Хамнеи од многу грда и срамна смрт

Аракчи: Трамп мора да го почитува Хамнеи ако сака нуклеарен договор

Трамп: Ако има конфликт со Северна Кореја, ние нема да бидеме вклучени во него

Горан Наумовски

ВИДЕО: Ретки минерали за САД, помали царини за Кина – што има во договорот меѓу велесилите

Катерина Ѓуровски

Блумберг: Трамп се откажа од прекинот на огнот во Украина

Ајатолахот Хамнеи се огласи по една седмица: Трамп го преувеличува нападот