Топлото време во изминатата седмица придонесе земјоделските култури да се стабилизираат од претрпениот шок од минималните негативни температури, информираат од УХМР.
Како што наведуваат во соопштението, оштетувањата од мразот се големи и сега е потребно одржување на посевите и насадите со цел колку е можно побрзо да се опорават и да се заштитат од болести и штетници кои можат да бидат клучни фактори во опстанокот.
Во текот на викендот и во наредната седмица очекуваните врнежи треба да ја подобрат состојбата со влага во почвата која во овој период е потребна за сите култури.
Дневните температури од околу 25 степени целзусови во наредниот период ќе овозможат нормален развој на веќе проникнатите пролетни култури, но ќе се створат и услови за изведување на работи на отворено во градинството и поледелството.