Светската банка објави дека ќе даде 300 милиони долари за олеснување на пристапот до пазарот на труд на сириските бегалци во Јордан.
Средставата ќе послужат за привлекување инвеститори во Јордан и за реформирање на пазарот на труд во земјата, со што сириските бегалци ќе добијат поголема достапност до него, се наведува во соопштението од Банката.
– Така повеќе Сиријци ќе добијат работа и ќе можат да придонесат за економскиот раст на Јордан, се наведува во коминикето.
Јордан им даде азил на над 600.000 бегалци, кои избегаа од војната во Сирија, според податоците на ОН, а според Аман во земјата има 1,4 милиони азиланти.
Незадоволни од недостигот на меѓународна помош, Јордан соопшти дека е на граница на своите можности и ја повика меѓународанта заедница да ја сподели одговорноста за бегалците.
Во почетокот на септември ОН откри ужасни услови за живот на околу 70.000 сириски бегалци, блокирани на границата и лишени од хуманитарна помош од јорданските власти по нападот на бомбаш-самоубиец кон крајот на јуни.