Министерот за транспорт и врски Горан Сугарески се сретна со директорот на Канцеларијата на Светска банка во Република Македонија Марко Мантованели.
На средбата, соопшти Министерството за транспорт и врски, се разговарало за поддршката во делот на инфраструктурните проекти што се реализираат во Република Македонија, а кои се поддржани од Светска банка.
Министерот Сугарески се заблагодарил за досегашната соработка и изразил целосна подготвеност за продолжување на таквата соработка меѓу Владата на Република Македонија и оваа меѓународна финансиска институција.
– Голема е поддршката што ја овозможува Светска банка за реализација на дел од инфраструктурните проекти што се од огромно значење за развој на патната мрежа во Република Македонија. Имаме интерес таа соработка да продолжи и во наредниот период, рече министерот Сугарески.
И двајцата соговорници изразиле задоволство од одржаната средба и се согласиле на продлабочување на соработката, посебно во делот на поддршка во реализација на новите инфраструктурни проекти во државата.