ССМ бара ресорот труд и социјална политика да го води човек кој знае како се води социјалниот дијалог

Од:

Сојузот на синдикатите на Македонија (ССМ) бара од мандатарот Димитар Ковачевски Министерството за труд и социјална политика (МТСП) да го води човек кој, како што велат, знае како да ги реши проблемите на работниците и укажува дека е време работниците да добијат министер, синдикалец од нивните редови „кој знае како се води социјалниот дијалог“.

-Деновиве слушаме дека за Министерството за труд и социјална политика се водат „битки” со одредени коалициски партнери во владејачкото мнозинство. Сојузот на синдикатите на Македонија најодговорно тврди дека ресорот труд и социјала треба да го води човек кој знае како да ги реши проблемите на работниците – важна е компетенцијата, а исто така важно е да ги познава процесите кои се водат за донесување на нов Закон за работните односи, нов Закон за безбедност и здравје при работа, нов Закон за мобинг и сл., за да не се случи овие процеси кои се водат веќе и по три години да започнат одново и да траат премногу долго, а на штета на работниците, велат од ССМ.

На мандатарот за нова Влада, додаваат, му укажуваме дека доколку се избере таков човек, ние синдикатите ќе знаеме дека оваа Влада и сите нови влади што следат им мислат добро на работниците.

-Потсетуваме дека во изминатиот период работодавачите имаа министер во владите од своите редови преку коморите, па редно време е работниците да добијат министер, синдикалец од нивните редови, потенцираат од ССМ.

Би можело да ве интересира

Синдикалната минимална кошница за март 58 998 денари, само за еден месец се зголеми за 1522 денари

Орце Костов

Стоилковски: Директор на центар за социјални работи, кадар на Тренчевска во Радовиш, приведен за трговија со дрога

ССМ бара повторување на постапката за конфискацијата на Работничкиот дом, најавува и протести

Тренчевска: Повторно популизам и невистини од кабинетот на техничкиот министер

Предраг Петровиќ

ССМ поднесе барање до Судскиот совет за разрешување на тројцата врховни судии кои донесоа одлука за одземање на работничкиот дом

Судскиот совет добил претставка и постапува по одлуката на Врховен суд за зградата на ССМ