Меѓународниот монетарен фонд во последниот извештај прогнозира дека Македонија оваа година ќе ја заврши со инфлација од околу десет отсто, а Владата и СДСМ тврдат дека растот на цените ќе се смири на 5,6% и оваа проекција е претставена како голем успех.
Високата инфлација и повисоките каматни стапки се ризик за економскиот раст на земјата како и за глобалниот економски раст кој и следната година ќе биде помал од првичните прогнози, а инфлацијата ќе се врати на посакуваното ниво во 2025 година.
ММФ прогнозира дека растот на македонската економија оваа година ќе достигне 2,5%. Во првите три месеци од 2023 година македонската економија порасна за само 2,1% , а во второто тримесечие за само 1,1% процент.
Владата за оваа година прогнозираше дека економскиот раст ќе биде 2,9%, но и прогнозата од 2,5% за СДСМ е потврда за нивната добра политика.
– Инфлацијата во земјава продолжи да се намалува. Во септември инфлацијата падна на 6,6 проценти, што се должи на мерките преземени од Владата предводена од СДСМ во изминатиот период. Ова е најниска стапка на инфлација во последните 20 месеци и таа ќе продолжи да опаѓа. 11 последователни месеци инфлацијата се намалува и тој тренд ќе продолжи до крајот на годината, кога се очекува да се спушти под 5 отсто. Наредната година инфлацијата да се врати на стапките од 2-3 проценти, како пред кризата, рече Кузеска.