Неколку синдикални организации во МЖ Транспорт апелираат да се деблокира работата во Собранието и побрзо да се донесе буџетот за 2013 година затоа што неговото недонесување би предизвикало сериозни проблеми во обезбедувањето средства за плата за вработените.
– Во Предлогот на новиот буџет предвидени се средства и за железницата кои Владата ги исплаќа месечно, а се користат согласно законот како компензација за трошокот за услугата од јавен интерес – превоз на патници. Недонесувањето на буџетот ќе направи сериозни проблеми во обезбедување средства за плата во кои влегува и овој буџетски дел, се вели во соопштението потпишано од пет синдикални организации во МЖ Транспорт.