Германскиот гигант „Сименс“ ќе отпушти 16.000 работници како резултат на програмата за намалување на трошоците за околу 6 милијарди евра. Само во Германија ќе бидат отпуштени околу 5.000 работници, а останатите 11.000 ќе бидат отпуштени ширум светот.
Синдикатот и раководството на компанијата го договорија моделот на отпуштање за половина од вработените, а се преговара и за останатите.
Според договорот, компанијата нема да дели директни откази, туку со високи отпремнини ќе се обиде да ги поттикне вработените да побараат доброволно раскинување на договорите за работа.
Според проценките, „Сименс“ има околу 370.000 вработени.