Шолц: Нема да има недостиг од гас оваа зима, од следната година Германија нема да биде зависна од Русија

Од:

Германија треба да биде целосно независна од рускиот гас до крајот на следната година, а нема да има недостиг од гас ниту оваа зима, изјави германскиот канцелар Олаф Шолц.

dobivaj vesti na viber

„Добро сме подготвени за оваа зима и тоа е позитивна порака“, изјави Шолц на конгресот на Здружението на германските работодавачи во Берлин.

Тој додаде дека поради добрата пополнетост на резервоарот, што во моментов е 86 отсто, не се очекува недостиг од гас.

Шолц рече дека целосна независност од рускиот гас се очекува до крајот на 2023 година.

„Изградбата на ЛНГ терминалот напредува и ќе увезуваме гас од САД, Норвешка и други земји“, рече Шолц.

Истовремено, канцеларот како проблем ја наведе високата цена на енергијата. Во таа насока тој ја поздрави најновата одлука на Европската комисија со која се ограничува профитот на енергетските компании што треба да резултира со намалување на цената на струјата.

„Предлогот на Европската комисија е речиси идентичен со она за што исто така се залагавме“, рече Шолц.

Тој се заложи за целосна реформа на пазарот на електрична енергија за намалувањето на цените да се префрли на крајните потрошувачи „уште оваа зима“.

Извор: МИА

Би можело да ве интересира

Германија: Сè уште важи нашата понуда за распоредување на системот Патриот за Полска

Ана Ололовска

Штајнмаер до албанските пратеници: Вашето срце чука за Европа, работете заедно успехот ќе дојде

А1он

Столтенберг: Потребна ни е силна и подготвена германска армија

А1он

САД одговори на обвинувањата од Европската унија: Не ја креваме цената на гасот

Германските пратеници се жалат: Ладно ни е, не може да се загрееме

А1он

Газпром нема да ја прекине испораката на гас за Молдавија

А1он