Германскиот министер за финансии Волфганг Шојбле не ги прифати оценките на Меѓународниот монетарен фонд (ММФ) за ново „потстрижување“ на грчкиот долг, изјавувајќи дека нема таква обврска од страна на еврозоната за ова прашање, соопшти грчкиот весник „Етнос“.
Шојбле, цитиран од „Дојче веле“, категорично ја отфрлил веројатноста за ново „потстрижување“ на грчкиот долг.
Според економскоит весник „Ханделсблат“, германскиот министер ги уверил пратениците дека вакви ангажмани кон Атина не се преземени од државите од еврозоната.
Претходно неделава ММФ во свој извештај за спасувачката програма за Грција, во кој се призна дека Фондот дозвилил грешки и пропусти, откри дека постои решение на еврозоната по 2014 година да се пристапи кон натамошни олеснувања на грчките обврски.
Според Шојбле, ова откритие на Фондот не претставува обврска за евентуално дополнително отпишување на грчкиот долг.
-Тоа, едноставно, е само една интерпретација на ММФ, изјави германскиот министер за финансии.