Шпанскиот производител на автомобили „Сеат“ на Саемот во Женева ќе го претстави моделот Леон Спорт Купе.
Сеат Леон Спорт Купе нуди виоска спортска нота со доволно простор за сите патници и багажен простор од 380 литри.
Новиот Леон со три врати може да се пофали со подобрена спортска управливост благодарение на намалената тежина и подобрената суспензија, како и новата генерација мотори што го прави одлучен избор за сите љубители на динамичен стил на возење.
Модерните турбобензински ТСИ и турбодизел ТДИ мотори со работна зафатнина од 1,2 до 2,0 литри испорачуваат од 105 до 180 коњски сили. Во понудата достапни се пет и шестстепени рачни менувачи и ДСГ менувач со шест или седум степени.