„ВМРО-ДПМНЕ нема никаков кредибилитет да зборува за состојбите во земјоделството бидејќи за време на нивното 11 годишно владеење го погазија достоинството на земјоделците, го уназадија земјоделството, а преку погубните политики се создаваше непријателски однос меѓу земјоделците и откупувачите.
За разлика од таквиот однос, Владата предводена од СДСМ и надлежното министерство градат партнерски однос со земјоделците и откупувачите во сите гранки на земјоделството во насока да се создаде цврсто договорно производство.
Според јавно достапните информации, Министерството за земјоделство, шумарство и водостопанство ги исполни барањата на производителите на зелка, откупната цена до празникот Велигден да биде 20 денари. Исто така, претставници на Министерството активно го следат откупот на зелка и се во постојана комуникација со производителите и откупувачите, а истовремено се работи на изнаоѓање решенија за непречен пласман и извоз не само за зелката туку и за другите земјоделските производи во текот на целата година.
Времето на притисоци, закани и понижувања на земјоделците заврши со заминувањето на ВМРО-ДПМНЕ во опозицијата. Владата предводена од СДСМ и надлежните државни институции градат партнерство со земјоделците и активно работат на развој и унапредување на земјоделството“, се вели во соопштението на СДСМ, реакција на изјавата на Ромео Тренов од ВМРО ДПМНЕ.