Огромниот јавен долг на Република Македонија стана уште поголем со потписот на Кирил Миноски на еврообврзницата со којашто власта на Груевски ги задолжи граѓаните нови 450 милиони евра. Со најновото незаконско задолжување од 450 милиони евра плус камати, јавниот долг на Р.Македонија надмина 50% од БДП, велат од СДСМ
„Министерството за финансии за време на 10-годишното расипничко владеење на Никола Груевски го дуплираше адворешниот долг, од 1.8 милијарди евра во 2006-та година на неверојатни 2.8 милијарди во 2016-та година. Вкупниот јавен долг што им го има направено Никола Груевски и неговата власт на граѓаните во 10-годишното владеење е огромни 2 милијарди и 500 милиони евра!
Тоа е суровара вистина за неразумната богаташка власт на Никола Груевски на сметка на осиромашените граѓани.
За Кирил Миноски откако ја потпиша незаконската еврообврзница и со тоа влезе во кривично дело, се што прави во продолжение изгледа полесно, но треба да знае дека се одговара – се одговара и за злупотреба и лаги и на официјална Веб страница на Министерството на финансии за партиски интереси.
На Веб страницата и денеска стои лагата дека домашното задолжување се приближувало кон 0.
На истата Веб страница, затскриено стои вистината, дека во јуни 2016 година, задолжувањето на земјава на домашниот пазар не само што не е 0 туки е милијарди, 79.793.960.000 денари или 1 милијарда и 300 милиони евра!
Тоа е вистината којашто ниту една монтирана лага на расипничката власт повеќе не ја покрива. Миноски е пуштен низ вода од Груевски, но СДСМ порачува, сите инволвирани во финансиското злосторство врз граѓаните ќе одговараат!
Ќе ја оспориме незаконската еврообврзница од 450 милиони евра како легитимен јавен долг на Р.Македонија.
Ќе ги преиспитаме сите незаконските задолжувања на домашниот пазар“, стои во соопштението на СДСМ.