СДСМ со писмено соопштение реагира на прес конференцијата на Лилјана Кузмановска од ВМРО-ДПМНЕ.
„Заврши времето кога ВМРО-ДПМНЕ преку своите министри цели 11 години ги задолжуваше граѓаните прекумерно и нетранспарентно без тие да знаат за која цел се создаваат нови долгови што тие ќе ги плаќаат во иднина. Заврши времето на непродуктивни трошења и скапи задолжувања, што беше главна одлика на владеењето на ВМРО-ДПМНЕ
Новата Влада предводена од СДСМ преку сериозен пристап и во интерес на граѓаните, ќе работи на стабилизација на огромниот јавен долг од над 50 % од БДП што ВМРО-ДПМНЕ со своето неодговорно, расипничко и нетранспаретно работење го остави како товар на идните генерации.
Сите нетранспарентни задолжувања направени изминативе години ќе подлежат на ревизија и за сите злоупотреби на пари на граѓаните ќе следува одговорност“ се вели во соопштението на СДСМ.