САД соопштија дека и доделиле нови кредитни гаранции во износ од една милијарда долари на Украина за да и помогнат на земјата, на која и се заканува банкрот и која води тешки преговори за својот долг.
– Со тоа се потенцира поддршката на САД за програмата за економски реформи во Украина, соопшти американското Министерство за финансии.
САД и доделија на Украина во април минатата година кредитни гаранции со истата вредност. Со нив Украина не добива директно финансирање, но може да побара заем, за што гаранција се САД.