Производителот на автомобили „Рено“ и авиоиндустријта „Ербас“ се единствените две француски компании кои се најдоа меѓу 50-те најиновативни компании на глобално ниво за 2012 година, според консултантската куќа „Бостон консалтинг груп“.
„Рено“ е на 34 позиција на најиновативни компании, далеку под „Хјундаи“, кој се најде на десето место, „Тојота“ на 11, „Форд“ на 12, БМВ на 14, „Нисан“ на 22, „Ауди“ на 25 и „Џенерал моторс на 29 место. Германскиот продизводител „Фолксваген“ се најде една позиција под францускиот производител.
Француската компанија од авионската индустрија „Ербас“ се најде на 46-то место на списокот најиновативни претпријатија.
Листата на консултантската куќа „Бостон консалтинг груп“ се објавува од 2004 година и се составува врз основа на анкета во која учествуваат 1.512 директори на најпрестижни светски компании врз основа на неколку критериуми, меѓу кои најважна е иновативната развојна стратегија.