Невработеноста во еврозоната во февруари достигна рекордни 12 отсто, односно нешто над 19 милиони невработени лица, како последица на продолжението на должничката криза, која ја задушува економијата на монетарната унија.
Во 27-члената ЕУ невработеноста во февруари се зголеми на 10,9 отсто од јануарските 10,8 проценти, на 26,34 милиони невработени, се наведува во соопштението на европската статистичка агенција Евростат.
Најголеми стапки на невработеност во февруари имале Шпанија (26,3 отсто), Португалија (17,5 отсто) и Грција (26,4 отсто).
Меѓу земјите со најниска стапка на невработеност се Австрија (4,8 отсто) и Германија (5,4 проценти).
Во однос на невработеноста меѓу младите, таа во еврозоната во февруари изнесуваше 23,9 отсто, а во ЕУ 23,5 проценти.