„Кој троши повеќе, ќе плаќа повеќе, а кој троши помалку, ќе плаќа помалку. Блоковите ќе важат исклучиво во скапата тарифа, рече претседателот на РКЕ, Марко Бислимовски на подготвителната седница за блок-тарифите во пресрет на одлуката за тоа колку ќе плаќаат домаќинствата од 1 јули.
„Ќе се користат истите струјомери, но таму каде што има потреба од поделба на мерно место, апелирам до ЕВН да си ги реши барањата на граѓаните. Читањето и блоковите се направени да бидат делливи со 30. Првиот блок е 210 киловати, вториот блок изнесува од 210 до 630 киловатчасови, третиот од 630 до 1050 киловатчасови, а над оваа потрошувачка е четвртиот блок каде што сметките се доста зголемени. Евтината тарифа е надвор од тие блокови и си останува иста – рече Бислимовски.
Според експертите, во зимскиот период околу 98% од домаќинствата ќе бидат во третиот блок, односно оние кои се греат на електрична енергија. Оние во највискиот блок ќе имаат 70 проценти повисоки сметки.