Стопанската комора на Македонија организира работна средба на бизнис секторот со претседателот на Владата Зоран Заев и претставниците на економските ресори во Владата.
Работната средба, како што информира Стопанската комора на Македонија, ќе се одржи во нивните простории, а најавено е учество на вицепремиерот за економски прашања и за координација со економските ресори Кочо Анѓушев и министрите за финансии, за економија, за транспорт и врски, за земјоделство, шумарство и водостопанство и за животна средина и просторно планирање Драган Тевдовски, Крешник Бектеши, Горан Сугарески, Љупчо Николовски и Садула Дураки.
Средбата, велат од Комората, е во насока на имплементација на добрата практика за унапредување на јавно-приватниот дијалог меѓу Владата и приватниот сектор, како и за креирање можности за заедничка дискусија во однос на приоритетите на економската програма на Владата и отворените прашања кои се од интерес за бизнис заедницата.