Во Скопје денеска ќе се одржи Првата меѓународна конференција за енергетика на која е најавено учество на претставници од министерствата, надлежните институции и од бизнис заедницата.
На конференцијата ќе се обрати и заменик-министерот за животна средина и просторно планирање Стево Темелковски.
Домашни и странски експерти ќе говорат за бенефитите, стандардите и развојот на енергетиката во Македонија, како и за можностите за нов циклус на инвестиции на ова поле.
Конференцијата е организирана од страна на консултантските фирми „Манасков“ и „Технички консалтинг“, во соработка со Сојузот на стопански комори на Република Македонија.