Променливи откупни цени на градинарските култури во Струмичко

Од:

Изминативе денови променливи се откупните цени на доматите, пиперките и краставиците, велат градинарите од Струмичко.

Според нив, доматите вчера се откупувале по 25 денари за килограм, а денеска трговците ги плаќале по 10 денари.

-Таква е состојбата и со откупот на краставиците, кои вчера се откупува за 20 денари, а денес за 10 денари за килограм. Пиперките се откупуваат за 30 денари за килограм, а денеска цената падна на 10 денари, изјави Коце Божиков, земјоделец од село Дабиле.

Додава дека променливите откупни цени се должат на односот на понудата и побарувачката на пазарите. Покрај тоа, намалена е и побарувачката на домашниот пазар.

– Земјоделци кои го пласираат своето производство на пазари ширум државата велат дека нема побарувачка и често пати се случува да го вратат произведеното, додава Божиков.

Трговците информираат дека квалитетните домати се откупуваат по цена од 25 до 35 денари.

– Покрај доматите, добра цена има и зелената пиперка од сортата „куртовска капија“, која се откупува 25 денари за килограм. Цената на краставиците се движи од 15 до 20 денари, а зелката се откупува од осум до 10 денари за килограм, вели Благој Витанов, откупувач од Струмица.

Според него, деновиве има голем интерес за праските и тие се плаќаат по 20 денари од килограм.

Земјоделците информираат дека за неколку дена треба да стасаат доматите кои се засеани како втора култура во пластениците. Се надеваат дека за оваа реколта ќе има поголем интерес и повисоки цени.

Би можело да ве интересира

Земјоделците од штипските села се жалат дека немаат вода за наводнување на културите

Трипуновски: Љупчо Николовски доделил 2.5 милиони евра надвор од процедура

A1on

МЗШВ: Усвоена Интервентната програма за поддршка во земјоделството за 2024 година

Македонското земјоделство ги доби првите сертифицирани советници

Николовски: 2024-та ќе биде година на нови предизвици, продолжуваме со силна реформска земјоделска политика

Николовски од Делчево: Ги повикувам сите земјоделци навремно да аплицираат, остварувајќи го правото на дополнителите директни плаќања за полјоделски култури, градинарски култури, овошни и лозови насади