Поевтинува мазутот, цените на бензините и на дизелот остануваат исти

Од:

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши намалување на малопродажните цени на нафтените деривати во просек за 0,64% во однос на одлуката од 9.12.2025 година. Така, од вечер на полноќ максималните цени на дизелот и бензините остануваат исти, а намалување од 1,089 ден/лит ќе има на Мазутот М-1 НС и сега ќе изнесува 32,883 ден/кг.

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,559%, кај дизелот има намалување за 2,715%, кај екстра лесното масло за 0,766% и кај мазутот намалувањето е за 4,528%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,2743%

Од 13.12.2025 година од 00:01 часот максималните цени на нафтените деривати ќе изнесуваат 75,00 (денари/литар) на ЕУРОСУПЕР БС – 95; 77,00 (денари/литар) на ЕУРОСУПЕР БС – 98; 68,50 (денари/литар) на ЕУРОДИЗЕЛ БС (Д-Е V); 66,50 (денари/литар) на Екстра лесно 1 (ЕЛ-1) и 32,883 (денари/килограм) на Мазут М-1 НС.

Од РКЕ напоменуваат дека ова се максималните цени на нафтените деривати од 00:01 часот на 13.12.2025 година, додека трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Би можело да ве интересира

ЕФЦ со нови старт-пакети за компаниите: „Не плаќајте магацин под кирија – ние ви нудиме целосна логистика, дигитализација и достава до следниот ден“

СДСМ: Според ММФ, Македонија е меѓу последните европски економии според БДП по жител

Горан Наумовски

Просечната цена на струјата на HUPX берзата за 13 ноември 2026 изнесува 200,40 евра за мегават час, на МЕМО 211,11 евра за мегават час

Бакарот станува стратешки ресурс, светот се соочува со ризик од недостиг

Горивата поевтинуваат од 5,5 до 7 денари за литар

Кошутиќ: Надлежните институции и ЈО да го разгледаат ревизорскиот извештај за Железници Транспорт, да се утврди одговорност

Предраг Петровиќ