Францускиот претседател Франсоа Оланд на денот на националниот празник на неговата земја вети дека државата ќе интервенира за да го спречи спроведувањето на планот на француската автомобилска група ПСА Пежо-Цитроен, со кој е предвидено укинување на 8.000 работни места.
Оланд планира да побара од ПСА Цитроен-Пежо да го преиспитаат планот за укинување на работните места, притоа тој се покажа многу критичен кон раководството на автомобилската група, чија дирекција ја обвини за „лажење“ и за одложување на објавувањето на одлуката за отпуштање на работници откако ќе завршат претседателските и парламентраните избори.
– За овај план имаше гласини веќе повече месеци, а дирекцијата на Пежо негираше дека постои таков план, истакна Оланд.
Француската Влада веќе има назначено експерт кој треба да ја проучи одлуката на ПСА Пежо Цитроен за затворање на фабриката во Олне-су-Буа. Француската држава за разлика од нејзинотот учество во капиталот на Рено, нема акции во ПСА, затоа таа не може да го забрани затворањето на фабриката во парискиот регион програмирана за во 2014 година.
Францускиот претседател во денешното четиринаесетјулско интревју нагласи дека ќе бидат вложени напори да Олне-су-Буа остани индуситриска зона. Најавувајќи дека веќе се размисува за начинот на кој ќе се делува. Синдикатите на вработените во ПСА Пежо-Цитроен сметаат дека позицијата на претседателот е „млака“ и дека државата има средства за да го спречи затворањето на фабриката.
– За нас државата има средства за да го забрани затворањето на фабриката и отпуштањата на работници. Неодамна, држвата му забрани на Пежо да продава околу 200 000 автомобили во Иран, на еден од најголемите странски пазари на Пежо. Ако може да го направи тоа. Може да забрани и отпушатања од работа, истакна претставникот на синдикатот Жам-Пјер Мерсие.