Владата на Република Македонија застана зад сите граѓани на Тиквешијата претежно лозари, кои минатиот викенд доживеаја елементарна непогода, при што земјоделските култури им измрзнаа и до сто проценти. Ова денеска на прес-конференција го изјави кавадаречкиот градоначалник Александар Панов, кој најави обесштетување за сите кои претрпеа штети.
– Деновиве имаме неколку комисии во мешовит состав кои ќе ја утврдат штетата. Потоа ќе следи одредување на процентот на штети и висината на надоместот кој треба да го добијат засегнатите, соопшти градоначалникот.
Тој информираше околу документацијата која треба да ја обезбедат земјоделците, за да можат да добијат обесштетување.