Точно на полноќ, профункционира границата со Косово, автомобилите и камионите слободно циркулираат, патниците поминуваат.
Од ноќеска на полноќ престана да важи мерката за ограничен увоз на брашно, по што истовремено официјална Приштина го укина ембаргото за увоз на македонски производи, пренесе 24 Вести.
Со тоа – автоматски престана да важат и таксите за влез во земјава, за косовските граѓани.
Вицепремиерот Пешевски и министерот за економија Сарачини, излегоа на терен – да се уверат дали состојбата е нормализирана.
Во меѓувреме, транспортерите ги отстранија камионите со кои една недела во знак на револт ги блокираа граничните премини Јажинце и Блаце.