И покрај кризата која ги тресе сите европски производители, вклучувајќи го и „Опел“, Германците не се откажат од инвестирање. Неодамна, речиси неполни две години од почетокот на работите е отворена нова фабрика за мотори на „Опел“ во Унгарија во градот Сентготард.
Фабриката во која се инвестирани над 500 милиони евра, ќе произведува модерни и штедливи бензински и дизел мотори за сегашните и идните модели на „Опел“.
Прв од планираните нови бензински мотори е 1,6 литарскиот со директно вбризгување. Моторот ќе носи ознака SIDI (Spark Ignition Direct Injection), и ќе се произведува во неколку верзии со моќност до 200 КС.
Ги исполнува стандардите Euro 6 за издувните гасови, а премиерно ќе биде вградуван во новата “Астра седан”.
„Опел“, инаку до 2016 година планира да претстави 23 нови модели и 13 потполно нови бензински и дизел мотори.