Економскиот раст на еврозоната почнува да се опоравува, особено во Германија, соопшти денеска Организацијата за економска соработка и развој (ОЕЦД).
Во Франција и во Италија, втората и третата најголема економија на еврозоната по Германија, тој тренд меѓутоа, не е толку силен, наведува ОЕЦД.
Водечките показатели во Франција укажуваат на стабилизација на деловната активност, а Италија исто така е во фаза на стабилизација, што претставува подобрување во однос на претходниот период на пад.
Показателите за Кина, Индија и Бразил говорат дека економскиот раст ќе продолжи, но со нешто побавно темпо.