На први октомври ќе започне раниот откуп на тутунот,а шест фирми ќе откупуваат на 50 пункта за пелагонискиот регион.Оваа година откупот ќе се врши во една фаза, а се очекува да се преземат над 6000 тони тутун.
Според Данчо Милески,претседател на Сојузот на тутунари,овој пилот-проект или ран откуп е поволен,особено за тутунарите што немаат услови за чување на тутунот,а тутунарите ќе ги добијат парите една недела по предавањето на родот.Според него, оваа година се очекува подобар квалитет на родот,но помал квантитет поради големите суши и претрпените штети од јунското невреме.
Предвремениот откуп треба да заврши до 31 октомври, при што веќе од 1. ноември ќе се врши проверка на откупните пунктови и заверка на мострите со цел од 15 ноември да започне редовниот откуп на тутунот.
А.Ш.