Општина Дојран денеска објави оглас за давање под краткотраен наем на три деловни објекти, летни шанкови, покрај брегот на Дојранското Езеро во населбата Стар Дојран.
Од комисијата за спроведување на постапката за продажба и давање на користење на движен и недвижен општински имот информираа дека шанковите ќе се издадат под краткотраен закуп во периодот од 1-ви август до 30-ти септември.
Локациите на шанковите се атрактивни, со корисна површина од по 100 метри квадратни и со намена за вршење угостителски услуги. Почетната цена на месечната закупнина изнесува 170.000 денари за едниот шанк и по 39.000 денари за другите два шанка.
Крајниот рок за пријавување на заинтересираните лица е до 23-ти јули до 12 часот, а усното јавно наддавање ќе се одржи истиот ден со почеток во 13 часот.