Владата најави дека ќе се гради нова индустриска зона во Струмица, лоцирана во општината Свидовица, на површина од 24.800 метри квадратни
Според владиниот портпарол Александар Ѓорѓиев, зоната ќе биде опремена со енергетски, телекомуникациски, водоводни системи и во неа ќе биде лоцирана и управна зграда и царински терминал.
„Зоната ќе биде од големо значење за локалниот економски развој на струмичкиот регион. Во идниот период по комплетирањето на сите процесни претпоставки ќе се преземат постапки за започнување со градежните работи за изградба на зоната во првиот квартал од 2013 година“, рече Ѓорѓиев.
Владата како што потенцира, активно спроведува постапки за отворање технолошко-индустриски зони и во Кичево, Тетово, Прилеп, Гевгелија, Ранковце, Струга и Радовиш.