„Тројката“ кредитори – ЕУ, ММФ и ЕЦБ почнуваат денеска нов круг проверки на економските показатели на Грција.
Весникот Етнос објави дека новиот циклус инспекции ќе почне денеска со средба на министерот за финансии со претставници на тројката. Грчката страна очекува новиот круг консултации да заврши до 20 јуни пред седницата на еврогрупата.
Атина се надева финансиските министри да „отворат пат“ за рекапитализација на грчките банки и и да биде одобрена јунската транша од 3,3 милијарди евра за Грција.
Весникот Вима коментира дека средбата на министерот со тројката е во сенка на извештајот на ММФ од минатата недела во кој Фондот признава за „значителни грешки“ во однос на првиот план за спасување за Грција и оти раководството на ММФ со силен притисок упатува на големо намалување на грчкиот јавен долг.